Сертификат - ТУС зээлийн апп

ISO/IEC 27001:2013 сертификат

ISO/IEC 27001:2013 стандарт нь мэдээллийн аюулгүй байдлын эрсдлийг хянах, урьдчилан сэргийлэх арга хэмжээг хэрэгжүүлэх, мэдээлэл алдагдах эрсдэлийг бууруулах гэх мэт зүйлсийг зохицуулдаг. Үүний үр дүнд байгууллагын мэдээллийн аюулгүй байдал сайжирч, үйл ажиллагаа илүү найдвартай болж, хэрэглэгчдийн болон түншүүдийн итгэлийг олж авдаг.

ISO/IEC 27001:2013 сертификатын ач холбогдол:

Аюулгүй байдлын баталгаажуулалт: Байгууллага нь мэдээллийн аюулгүй байдлын шаардлагуудыг бүрэн хангасан гэдгийг гэрчилж, хэрэглэгчдэд итгэл төрүүлдэг.
Эрсдлийн менежмент: Мэдээллийн аюулгүй байдлын эрсдлийг бүрэн танин, хянаж, шаардлагатай арга хэмжээг авч ажилладаг.
Өрсөлдөх чадвар: Тус сертификат нь байгууллагын аюулгүй байдлын зэрэглэл, түвшинг харуулдаг бөгөөд зах зээл дээрх өрсөлдөх чадварыг нэмэгдүүлдэг.
Хууль, журамд нийцэх: Олон улс орнуудад аюулгүй байдлын хуулиуд, зохицуулалттай нийцэх шаардлага бүхий олон улсын стандартыг дагаж мөрддөг.
Тогтвортой байдал: Байгууллага мэдээллийн аюулгүй байдлын тогтвортой, үр дүнтэй удирдлагын системтэй болохыг баталгаажуулдаг.

ISO/IEC 27001:2022 сертификат

ISO/IEC 27001:2022 сертификат нь мэдээллийн аюулгүй байдлыг удирдах систем (ISMS)-ийн олон улсын стандартын дагуу байгууллагуудын мэдээллийн аюулгүй байдалд тавигдах шаардлагыг хангаж буйг баталгаажуулдаг гэрчилгээ юм. Энэ стандарт нь мэдээллийн аюулгүй байдлыг хамгаалах, хулгай, алдсан болон мэдээллийн алдагдлын эрсдлийг бууруулахад чиглэгдсэн удирдлагын системийг байгуулахад тусалдаг.

ISO/IEC 27001:2022 сертификатын ач холбогдол:

Мэдээллийн аюулгүй байдлын баталгаажуулалт: Байгууллагуудын мэдээллийн аюулгүй байдал хангагдсан гэдгийг хүлээн зөвшөөрөх.
Өрсөлдөх чадвар: Тус сертификат нь хэрэглэгчид болон түншүүдэд байгууллагын аюулгүй байдлын түвшинг илтгэж, итгэлцлийг нэмэгдүүлдэг.
Эрсдлийг хянах: Мэдээллийн алдагдал, хулгай, залилангаас сэргийлэхийн тулд аюулгүй байдлын бодлогыг нэвтрүүлэх.
Тогтвортой байдал: ISO/IEC 27001:2022 нь тусгайлан байгууллагын мэдээллийн аюулгүй байдлын зохицуулалттай байдаг бөгөөд тогтмол шинэчлэгдэж, мөрдөгдөх шаардлагатай.

Энэхүү сертификатыг авахын тулд байгууллага нь аудит, шалгалт, мэдээллийн аюулгүй байдлын бүх талаарх үйл явцыг сайтар шинжилж, шаардлагатай зохион байгуулалтын өөрчлөлтүүдийг хийх хэрэгтэй.